رام اللہ: اسرائیلی فورسز نے مغربی کنارے میں چھاپے کے دوران مزید 7 فلسطینیوں کو گولی مار کر شہید کر دیا۔
غیر ملکی میڈیا رپورٹس کے مطابق مشرقی مقبوضہ مغربی کنارے میں اسرائیلی فورسز نے یریحو پر چھاپے کے دوران سات فلسطینیوں کو گولی مار کر شہید کر دیا ہے۔
چھاپا پیر کی صبح عاقبت جبر پناہ گزیش کیمپ میں بڑے پیمانے پر مارا گیا، جو کہ ایک ہفتے سے زیادہ عرصے سے اسرائیلی فورسز کے محاصرے میں ہے۔
اسرائیلی فوج نے ایک بیان میں کہا کہ اس نے مجموعی طور پر سات افراد کو مارا ہے، جن میں 28 جنوری کو یریحو میں فائرنگ کے حملے کی کوشش کے دو ذمہ دار اور پانچ دیگر شامل ہیں۔
فلسطینی وزارت صحت نے واقعے کی تصدیق کرتے ہوئے کہا ہے کہ پناہ گزین کیمپ میں اسرائیلی فورسز نے چھاپے کے دوران نوجوانوں پر سیدھی گولیاں چلائیں، رواں برس اب تک صہیونی فورسز 43 نہتے فلسطینیوں کو شہید کر چکی ہے۔
The Palestinian Ministry of Health has confirmed that Israeli occupation forces murdered 5 Palestinians during a military raid into the Aqaba Jabr camp in Jericho.
They were identified as:
Raafat Awadat, 21
Malik Lafi, 22
Adham Awaidat, 22
Ibrahim Awaidat, 27
Thaer Awadat, 28 pic.twitter.com/11haZWw6fU— PALESTINE ONLINE 🇵🇸 (@OnlinePalEng) February 6, 2023
بتایا گیا کہ فلسطینی نوجوان چھاپے کے وقت وہاں کھڑے تھے، فورسز نے انھیں اغوا کیا اور پھر گولیاں ماریں۔ 4 فلسطینی ایک ہی خاندان سے تھے۔
پانچ شہید فلسطینیوں کی شناخت 21 سالہ رفعت اوادات، 22 سالہ ملک لافی، 22 سال ادھم اویدات، 27 سالہ ابراہیم اویدات، 28 سالہ طاہر اوادات کے ناموں سے ہوئی ہے۔
یاد رہے کہ 4 فروری کو بھی اسرائیلی فورسز نے یریحو میں عاقبت جبر پناہ گزین کیمپ پر چھاپا مارا تھا، جس پر کیمپ کے مکینوں کے ساتھ جھڑپیں شروع ہوگئیں، فورسز نے گولیاں مار کر 6 فلسطینیوں کو زخمی اور چھ فلسطینیوں کو گرفتار کیا تھا۔
