غزہ میں اسرائیلی فوج کی بربریت کا سلسلہ تاحال جاری ہے، غزہ کے شمال سے جنوب میں گھروں اور شیلٹرز پر بمباری کی گئی ہے۔
بین الاقوامی خبر رساں ادارے کی رپورٹ کے مطابق اسرائیلی فوج کی جانب سے غزہ کے نصیرات کیمپ پر اسکول پر بھی بمباری کی گئی جس سے 4 فلسطینی جام شہادت نوش کرگئے۔
غزہ کے اسکول میں بے گھر فلسطینیوں نے پناہ لی ہوئی تھی۔جسے اسرائیلی فوج نے نشانہ بنایا۔
رپورٹس میں کہا گیا ہے کہ 7 اکتوبر سے جاری اسرائیلی حملوں میں شہید فلسطینیوں کی تعداد 35 ہزار سے تجاوز ہوگئی ہے۔
دوسری جانب اسرائیل نے 162ویں ڈویژن میں شامل کرنے کے لئے رفح میں ایک اضافی بٹالین فوج روانہ کردی ہے۔
رپورٹ کے مطابق یہ فوج مشرقی رفح میں جاری اسرائیلی فوجی آپریشن میں حصہ لے گی جو اس ماہ سے وہاں کارروائی میں مصروف ہے۔
کویت: دہشت گرد حملوں کی منصوبہ بندی کرنے پر ملزم گرفتار
یہ اقدام ایسے وقت میں اُٹھایا گیا ہے جب امکان ظاہر کیا جارہا ہے کہ اسرائیلی حکومت رفح پر فوجی حملے کو وسعت دینے پر رضامند ہو جائے گی۔
