غزہ میں اسرائیلی فوج کی جانب سے بربریت کا سلسلہ تاحال جاری ہے، وسطی غزہ کے نصیرات کیمپ پر بمباری سے ڈیوٹی پر موجود قطری چینل الجزیرہ کے کیمرہ مین احمد اللوح جام شہادت نوش کرگئے۔
غزہ میڈیا دفتر کا اس حوالے سے کہنا ہے کہ اسرائیلی حملے میں الجزیرہ کے کیمرہ مین احمد اللوح جام کی شہادت کے بعد غزہ میں شہید ہونے والے صحافیوں کی تعداد 196 تک پہنچ گئی ہے۔
غزہ حکام نے عالمی برادری سے فلسطین میں صحافیوں کا قتل عام رُکوانے کے لیے اسرائیل پر دباؤ ڈالنے کا مطالبہ کیا ہے۔
واضح رہے کہ غزہ میں چوبیس گھنٹے کے دوران 66 فلسطینیوں کو شہید کردیا گیا، جس کے بعد شہیدوں کی تعداد 45 ہزار کے قریب پہنچ گئی۔
صیہونی فوج نے نصر اور صبرا کے پناہ گزین کیمپوں پر بم برسا ئے۔ پناہ گاہ کے طور پر استعمال ہونے والے پوسٹ آفس کو بھی نشانہ بنایا۔
صیہونی فورسز نے غزہ کے مختلف مقامات پرموجود فلسطینیوں کو علاقہ چھوڑنے کا حکم دیدیا۔
شام کی نئی عبوری انتظامیہ کا فضائی حدود کھولنے سے متعلق اہم فیصلہ
امریکی قومی سلامتی کے مشیر جیک سلوان اسرائیل پہنچ گئے، اس موقع پر تل ابیب میں امریکی قونصلیٹ کے سامنے اسرائیلی شہریوں نے احتجاج کیا ان کا کہنا تھا کہ نیتن یاہو نے انہیں تنہا چھوڑدیا ہے۔ امریکا ہمارے یرغمالیوں کو رہا کروائے۔
