اسلام آباد : وزیراعظم شہباز شریف نے آئی ٹی کمپنیوں کی جانب سے 700 ملین ڈالر سرمایہ کاری کے اعلان کا خیر مقدم کیا۔
تفصیلات کے مطابق وزیراعظم شہباز شریف سے انفارمیشن ٹیکنالوجی شعبے کے معروف سرمایہ کاروں کے وفد کی ملاقات ہوئی۔
سرمایہ کاروں کے وفد کا خیرمقدم کرتے ہوئے وزیراعظم نے کہا کہ پاکستان اپنی ڈیجیٹل معیشت میں بڑی تبدیلی کا آغاز کر رہا ہے۔
وزیرِ اعظم نے فورم کی افتتاحی تقریب کے دوران پاکستان میں آئی ٹی کمپنیوں کی جانب سے 700 ملین امریکی ڈالر سے زیادہ کی سرمایہ کاری کے اعلان کا خیرمقدم کیا۔
وزیراعظم نے وفد کے سامنے ٹیکنالوجی، فنانس اور جدت کا علاقائی مرکز بننے کے پاکستان کے وژن کو اجاگر کیا۔
وزیر اعظم سے ملاقات کرنے والوں میں روسفٹ کے جبار رحیم خان نے 500 ملین امریکی ڈالر ، اے آئیز وینچر کیپیٹل کے طحہ نسیم اور احسن جمیل نے 100 ملین امریکی ڈالر ، مشرق بینک کے فرنینڈو موریلو اور محمد ہمایوں سجاد نے 30 ملین امریکی ڈالر کی سرمایہ کاری کا اعلان کیا جبکہ بلال کمال فارقی نے 22 ملین امریکی ڈالر کی سر مایہ کاری کا اعلان کیا۔
وزیر اعظم نے وفد نے نوجوانوں کی تربیت کے ساتھ ساتھ معیشت کی ڈیجیٹلائزیشن کے لیے جاری حکومتی کوششوں کے بارے میں بھی آگاہ کیا۔
وزیر اعظم نے بین الاقوامی شہرت یافتہ آئی ٹی ایگزیکٹوز کے ساتھ بات چیت کے دوران پاکستانی نوجوانوں کو مستقبل کی ٹیکنالوجی پر مبنی ملازمتوں کے لیے تیار کرنے کے لیے اے آئی اور ڈیٹا سائنس کی تعلیم کے اقدامات پر ان کے ساتھ تعاون کی حکومت پاکستان کی خواہش سے آگاہ کیا۔
