وینس : اٹلی کےشہر وینس میں پولیس نے چار افراد کو ایک جہادی سیل کا حصہ ہونے کےالزام میں گرفتار کرلیا۔
تفصیلات کےمطابق اٹلی کے معروف سیاحتی شہر وینس میں پولیس نےدہشت گردی کامنصوبہ بنانے کے الزام میں کوسوو سے آنے والے چار افراد کو گرفتارکرلیاہے۔
پولیس حکام کےمطابق گرفتار کیے جانےوالےلوگوں میں تین مرد اور ایک خاتون شامل ہیں۔گرفتار کیے جانے والے چاروں افراد کے پاس اٹلی میں رہائش کا اجازت نامہ موجود تھا۔
پولیس کاکہناہےکہ کوسوو سے آنے والے اس گروہ پر کئی ماہ سے سیکورٹی اداروں نے نظر رکھی ہوئی تھی اورخدشہ ظاہر کیاجارہا تھا کہ وہ شام میں اسلامی شدت پسندوں سےجاملیں گے۔
مزید پڑھیں:برطانوی پارلیمنٹ پر حملہ: 5 افراد ہلاک ‘40 زخمی
اطالوی پولیس کےمطابق گزشتہ روز ان تمام افراد کووینس میں دہشت گردحملےکی منصوبہ بندی کرنےکےالزام میں گرفتار کیاگیا۔
مزید پڑھیں: لندن حملوں کے ملزم کا پتا چل گیا، اسکاٹ لینڈ یارڈ کا دعویٰ
یاد رہےکہ گزشتہ دنوں برطانوی دارالحکومت لندن میں حملے میں 5افراد ہلاک جبکہ 40 افراد زخمی ہوئےتھے۔حملے کی ذمہ داری دہشت گرد تنظیم داعش نے قبول کی تھی۔
بعدازاں اسکاٹ لینڈ یارڈ پولیس نے دعویٰ کیاتھا کہ حملے کا ذمہ دار خالد مسعود نامی برطانوی مسلم شہری ہے۔
مزید پڑھیں:فرانس میں دہشتگردی کامنصوبہ ناکام‘4افراد گرفتار
واضح رہےکہ گزشتہ ماہ فرانسیسی وزارت داخلہ کا کہناتھاکہ ملک میں چار افراد کی گرفتاری کےبعد دہشت گرد حملے کا منصوبہ ناکام بنادیاگیا۔