روم: اٹلی کے سابق وزیراعظم سلویو برلسکونی کی طبیعت انتہائی ناساز ہونے پر آئی سی یو منتقل کر دیا گیا۔
بین الاقوامی میڈیا رپورٹس کے مطابق 86 سال کے برلسکونی کو میلان اسپتال کےکارڈیک یونٹ لایا گیا تھا جہاں ڈاکٹرز نے طبیعت بگڑنے پر انہیں انتہائی نگہداشت کے وارڈ میں منتقل کیا ہے۔
برلسکونی اٹلی کے 4بار وزیراعظم رہ چکے ہیں اور میڈیا ٹائیکون ہیں۔
سیاست میں آنے سے پہلے اپنے ٹیلی ویژن چینلز کے ذریعے دولت کمانے والے برلسکونی کی 2016 میں دل کی سرجری ہوئی تھی اور انہیں پروسٹیٹ کینسر بھی تھا۔
سال 2020 میں کوویڈ 19 سے متاثر ہونے کے بعد انہیں پچھلے کچھ سالوں میں بار بار اسپتال میں داخل کیا گیا تھا۔ برلسکونی نے آخری بار 2011 میں وزیر اعظم کے عہدے سے استعفیٰ دیا تھا جب اٹلی یونانی طرز کے قرضوں کے بحران کے قریب پہنچا تھا اور وہ اپنے ہی سکینڈلز میں بھی دب گیا۔
ستمبر میں عام انتخابات کے بعد وہ اطالوی پارلیمنٹ کی سینیٹ میں واپس آئے تھے اور جنوری 2022 میں، برلسکونی نے اپنا نام اٹلی کا صدر بننے کے لیے زیر غورناموں سے واپس لے لیا تھا۔
