شوبز انڈسٹری کے معروف اداکار منیب بٹ نے انکشاف کیا ہے کہ ایک سال تک میں نے روٹی چکھی تک نہیں ہے۔
اداکار منیب بٹ نے اہلیہ ایمن خان کے ساتھ حال میں رمضان ٹرانسمیشن میں بطور مہمان شرکت کی اور اس دوران مختلف موضوعات پر اظہار خیال کیا۔
ایک سوال کے جواب میں بتایا گیا کہ ہمارے گھر میں ایمن خان کی چلتی ہے، وہی سارے فیصلے کرتی ہیں۔
32 سالہ اداکار منیب بٹ نے کہا کہ چونکہ میں بٹ فیملی سے تعلق رکھتا ہوں، اس لیے میرے لیے اپنے بڑھتے وزن پر قابو رکھنا بہت مشکل ہوتا ہے۔
انہوں نے کہا کہ میں بہت کم کھاتا ہوں، صبح 6 انڈے بغیر زردی کے کھاتا ہوں، دن میں ایک تکہ اور شام میں کچھ بھی ہلکا پھلکا کھا لیتا ہوں۔
اداکار نے انکشاف کیاکہ میں نے ایک سال سے روٹی نہیں کھائی ہے اس پر ایمن خان نے اس بات کی تصدیق بھی کی۔
منیب بٹ سے میزبان نے کہا کہ میں نے گزشتہ 6 یا 7 ماہ سے روٹی نہیں کھائی ہے، میں نے گزشتہ دنوں روٹی چکھی تو مجھے بہت اچھا محسوس ہوا۔
دوسرے میزبان نے کہا کہ میں تو سب کھاتا ہوں، میں روٹی اور چاول دونوں غذائیں کھاتا ہوں مگر اعتدال میں رہتے ہوئے یہ سب کرتا ہوں۔
