نئی دہلی: بھارتیوں نے ایوانکا ٹرمپ کو بھی نہیں بخشا اور ٹرمپ کی بیٹی کے دورہ تاج محل کی تصویر فوٹو شاپ کرکے وائرل کردی۔
غیرملکی خبررساں ادارے کی رپورٹ کے مطابق امریکی صدر کی صاحبزادی ایوانکا ٹرمپ دورہ بھارت کے دوران تاج محل دیکھنے گئی تھیں ان کا دورہ تو یادگار رہا لیکن بھارتی اداکار نے ان کی فوٹو شاپ تصویر بنا ڈالی جو سوشل میڈیا پر خوب وائرل ہورہی ہے۔
تصویر میں دیکھا جاسکتا ہے کہ ایوانکا ٹرمپ تاج محل کے باہر خوشگوار موڈ میں بیٹھی ہوئی ہیں اور ساتھ ہی اداکار دلجیت دوسانجھ اپنی تصویر فوٹو شاپ کرکے ایوانکا کے قریب بیٹھ گئے اور ایوانکا کو مینشن کرکے تصویر شیئر کردی۔
Thank you for taking me to the spectacular Taj Mahal, @diljitdosanjh! 😉
It was an experience I will never forget! https://t.co/VgqFuYBRIg
— Ivanka Trump (@IvankaTrump) March 1, 2020
دلجیت نے تصویر میں لکھا کہ ’ایوانکا، پیچھے ہی پڑ گئی کہہ رہی تھی تاج محل جانا ہے میں پھر لے گیا اور کیا کرتا۔‘
ایوانکا ٹرمپ نے جوابی ٹویٹ میں لکھا کہ ’مجھے شاندار تاج محل میں لے جانے کے لیے آپ کا شکریہ، یہ تجربہ ہے میں کبھی نہیں بھولوں گی۔‘
تصویر پر سماجی رابطے کی ویب سائٹ ٹویٹر پر 40000 لوگوں نے لائیک کیا اور انسٹاگرام پر 550000 لوگ اپنی پسندیدگی کا اظہار کرچکے ہیں۔
یاد رہے کہ ایوانکا ٹرمپ امریکی صدر ڈونلڈ ٹرمپ کے ساتھ بھارت کے دورے پر تھی، دورے میں ٹرمپ نے نریندر مودی سے بھی ملاقات کی تھی، ان دنوں نئی دہلی میں حالات کشیدہ تھے۔