واشنگٹن : امریکی صدر ڈونلڈ ٹرمپ کی ننھی نواسی نے اپنی معصومانہ ویڈیو سے چینی عوام کے دل خوشی سے بھر دئیے۔
امریکی صدر ڈونلڈ ٹرمپ کی پانچ سالہ نواسی آربیلا کشنر جو کہ ان کی بیٹی ایوانکا کی صاحبزادی ہیں کی ویڈیو نے سب کو حیران کردیا ، ڈونلڈ ٹرمپ ایوانکا نے سماجی رابطے کی ویب سائٹ پر ایک ویڈیو شئیر کی، جس میں ان کی بیٹی سرخ ڈریگن کے ساتھ چینی گانا گا کر چینی عوام کو نئے سال کی مبارک باد دے رہی ہے۔
ایونکا نے اپنی ٹویٹ کے آخر پر چار چینی خصوصیات بھی شامل کیں جن کا مطلب ہے ’’ہیبی نیو ایئر ‘‘ ۔
Arabella singing a song she learned for #ChineseNewYear. Wishing everyone an amazing year to come during these days of celebration. 新年快乐！ pic.twitter.com/jxHHLvhmzm
— Ivanka Trump (@IvankaTrump) February 2, 2017
اس سے قبل امریکی صدر ڈونلڈ ٹرمپ کی بیٹی ایوانکا نے اپنی بیٹی آربیلا کے ساتھ واشنگٹن میں چینی سفارت خانہ کا اچانک دورہ کیا، ان کی آمد نے عملے کو خوشگوار حیرت میں ڈال دیا۔
ایوانکا کی پانچ سالہ بیٹی آربیلا چینی زبان سیکھ رہی ہیں، سفارت خانے میں نئے چینی سال اور موسم بہار کی آمد کی خوشی میں میلا سجا تھا، ایوانکا نے اپنی بیٹی کے ساتھ مختلف اسٹالز دیکھے جبکہ چینی میزبانوں نے اپنے امریکی مہمانوں کو تحائف بھی دیئے۔
چینی عوام نے ڈونلڈ ٹرمپ کی نواسی کی چین کے کلچر اور زبان میں دلچسپی کو بھی سراہا ہے اور اسے دونوں ممالک کے درمیان تعلقات بہتر کرنے کے لئے ایک خوبصورت کوشش قرار دیا ہے۔
