ٹوئٹر کے نئے مالک ایلون مسک کی جانب سے ملازمین کی برطرفیوں پر پلیٹ فارم کے شریک بانی اور سابق سی ای او جیک ڈورسی نے خاموشی توڑ دی۔
چیک ڈورسی نے ٹوئٹر پر لکھا کہ ٹوئٹر میں ماضی اور حال میں بہت مضبوط لوگ رہے، وہ آئندہ اپنا راستہ تلاش کریں گے جو چاہے کتنا ہی مشکل کیوں نہ ہو۔
شریک بانی نے لکھا کہ مجھے اس بات کا احساس ہے کہ بہت سے ملازمین مجھ سے ناراض ہیں، میں اس صورتِ حال کی ذمہ داری قبول کرتا ہوں، میں نے بہت جلد بازی میں کمپنی کو ترقی دی جس کے لیے معذرت خواہ ہوں۔
ایک اور ٹوئٹ میں انہوں نے لکھا کہ میں ہر اس شخص کا شکر گزار ہوں جس نے کبھی ٹویٹر پر کام کیا، میں سمجھ سکتا ہوں کہ احترام اور محبت کا یہ رشتہ موجودہ حالات میں باہمی نہیں اور مجھے مستقبل بھی میں اس کی امید نہیں لیکن میں یہ سب سمجھ سکتا ہوں۔
Folks at Twitter past and present are strong and resilient. They will always find a way no matter how difficult the moment. I realize many are angry with me. I own the responsibility for why everyone is in this situation: I grew the company size too quickly. I apologize for that.
— jack (@jack) November 5, 2022
یاد رہے کہ ایلون مسک نے ٹوئٹر خریدتے ہی کئی اہم عہدوں پر موجود ملازمین کو برطرف کر دیا۔ سوشل میڈیا پر ایلون مسک کے اقدامات پر شدید تنقید کی جا رہی ہے۔ کئی اہم شخصیات نے احتجاجاً اپنے ٹوئٹر اکاؤنٹس بند کر دیے ہیں۔
