The news is by your side.

Advertisement

پولیس کی بڑی کارروائی، اغوا کاروں کے چنگل سے مغوی بازیاب

جیکب آباد: پولیس نے تاوان کے لئے اغوا کئے گئے دو  افراد کو بحفاظت بازیاب کرالیا ہے۔

تفصیلات کے مطابق جیکب آباد پولیس کو اطلاع ملی تھی کہ لاڑکانہ سے دو  افراد کو تاوان کے لئے اغوا کرلیا گیا ہے، واقعہ رپورٹ ہونے پر پولیس حرکت میں آئی اور اغواکاروں کے خلاف کامیاب آپریشن کرتے ہوئے چار مغویوں کو بحفاظت بازیاب کرالیا۔

ایس ایس پی لاڑکانہ شمائل ریاض ملک نے واقعے کی تفصیلات بیان کرتے ہوئے بتایا کہ خفیہ اطلاع ملنے پر پنہوں بھٹی تھانے نے علاقے کی ناکہ بندی کی، پولیس کے پہنچنے پر اغوکاروں نے پولیس پارٹی پر فائرنگ کردی، پولیس کی جانب سے جوابی فائرنگ کی گئی، جس کے نیتجے میں اغواکار پسپا ہوئے اور مغویوں کو چھوڑ کر فرار ہوگئے، کارروائی میں کسی قسم کی گرفتاری عمل میں نہیں آسکی ہے۔ایس ایس پی لاڑکانہ نے میڈیا کو بتایا کہ اغواکاروں کی گرفتاری کے لئے علاقے میں سرچ آپریشن جاری ہے، سرچ آپریشن کے دوران علاقے کے داخلی اور خارجی راستوں کو مکمل طور پر سیل کردیا گیا ہے۔

 

Comments

یہ بھی پڑھیں