لاہور : جہانگیر ترین نے تفتیشی ٹیم پر متعصبانہ تحقیقات کا الزام عائد کرتے ہوئے کہا تحقیقات ضرور کریں، مگر آزادانہ ، ہم قانون کی گرفت سے نہیں بھاگ رہے۔
تفصیلات کے مطابق جہانگیر ترین نے عدالت میں پیشی کے موقع پر میڈیا سے گفتگو کرتے ہوئے کہا کہ جب عدالت بلائےگی تو پیش ہونگا،آج بھی پیش ہوا ہوں، ساتھ آنیوالےساتھیوں کا شکریہ ادا کرتا ہوں۔
جہانگیرترین کا کہنا تھا کہ تفتیشی ٹیم متعصبانہ تحقیقات کررہی ہے، انکوائری، انویسٹی گیشن ضرورکریں لیکن آزادانہ کریں، ٹیم فیئر انکوائری کرے نہ کہ کسی کی فون کال پرانکوائری کی جائے۔
انھوں نے مزید کہا ہم قانون کی گرفت سےنہیں بھاگ رہے، میں پی ٹی آئی کاحصہ ہوں اور یہ ہماری پارٹی ہے۔
یاد رہے سیشن کورٹ نے کارپوریٹ فراڈ کیس میں جہانگیر ترین اور علی ترین کی عبوری ضمانت میں 22 اپریل تک جبکہ بینکنگ کورٹ نے منی لانڈرنگ کیس میں جہانگیر ترین کی ضمانت میں 17 اپریل تک توسیع کردی ہے۔
