پی ٹی آئی کے سابق رہنما جہانگیر ترین نے اپنے گروپ ممبران سے نئی پارٹی کے نام پر مشاورت شروع کر دی ہے اور انہوں نے ٹیلیفون پر رابطے کیے ہیں۔

اے آر وائی نیوز کو ذرائع سے ملنے والی اطلاعات کے مطابق پی ٹی آئی کے سابق رہنما جہانگیر ترین جنہوں نے گزشتہ دنوں نئی سیاسی جماعت بنانے کا اعلان کیا تھا اور اس کے لیے لاہور میں اپنا سیاسی دفتر بھی کھول لیا تھا اب انہوں نے پارٹی کے نام کے لیے اپنے گروپ ممبران سے مشاورت شروع کر دی ہے جس کے لیے انہوں نے ٹیلیفون پر بھی گروپ ممبران سے رابطے کیے ہیں۔

ذرائع کا کہنا ہے کہ جہانگیر ترین کی آج متعدد اہم سیاسی رہنماؤں سے بھی ملاقات متوقع ہے۔

واضح رہے کہ 9 مئی واقعات کے بعد پی ٹی آئی کے رہنما تحریک انصاف چھوڑنے کا اعلان کر رہے ہیں اور اب تک کئی مرکزی رہنماؤں سمیت درجنوں رہنماؤں نے عمران خان کو الوداع کہہ دیا ہے اور ان میں سے کئی نے جہانگیر ترین سے رابطے کیے ہیں۔