جمعہ, فروری 14, 2025
اشتہار

جہانیاں میں زمیندار کے کتوں نے تین سالہ بچی کی جان لے لی

اشتہار

حیرت انگیز

جہانیاں : زمیندار کے کتوں نے گاؤں کی تین سالہ بچی کو بھنبھوڑ کر رکھ دیا، کتوں کے حملے میں بچی ہلاک ہوگئی۔

تفصیلات کے مطابق پنجاب کے ضلع خانیوال کی تحصیل جہانیاں کی رہائشی تین سالہ نیشہ کو شدید زخمی حالت میں اسپتال منتقل کیا گیا، تاہم وہ جانبر نہ ہوسکی۔

افسوسناک واقعہ جہانیاں کے نواحی گاؤں میں پیش آیا، لواحقین کی جانب الزام لگایا گیا ہے کہ بچی پر زمیندار کے کتوں نے حملہ کیا تھا اور وہ زخموں کی تاب نہ لاتے ہوئے دم توڑ گئی۔

بچی کے والد کے مطابق اس کی بیٹی نیشہ اشرف گھر کے قریب کھیل رہی تھی، اسی دوران زمیندار کے کتوں نے کھیتوں سے نکل کر حملہ کردیا۔

متاثرین کا کہنا ہے کہ ایمبولینس نہ ملنے پر زخمی بچی کو اپنی مدد آپ کے تحت اسپتال منتقل کرنے کی کوشش کی گئی لیکن وہ راستے میں ہی دم توڑ گئی۔

رپورٹ کے مطابق متاثرہ والدین نے سگ گزیدی کا شکار بچی کو مقامی قربستان میں سپردخاک کردیا۔

یاد رہے کہ پنجاب اور سندھ کے کئی علاقوں میں سگ گزیدی کے سیکڑوں واقعات رونما ہوچکے ہیں، اس کے باوجود انتظامیہ سگ گزیدی کے واقعات روکنے میں ناکام رہے ہیں۔

واضح رہے کہ سندھ و پنجاب کی حکومتیں رے بیز کیسز سے بڑھتی اموات کے پیش نظر کتا مار مہم بھی چلا چکے ہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں