کراچی : پاکستان تحریک انصاف کے رہنما جہانگیر ترین نے کہا وفاق کراچی کی بہتری کے لیے بھرپور تعاون کرنے کو تیار ہے، جولوگ بھی کرپشن میں پکڑےگئے، ان کیساتھ ڈیل ہوگی نہ ڈھیل ہوگی۔
تفصیلات کے مطابق پاکستان تحریک انصاف کے رہنما جہانگیر ترین نے ایم کیو ایم رہنماؤں سے ملاقات کے بعد میڈیا سے گفتگو کرتے ہوئے کہا ایک سال پہلےیہاں آیاتھاحمایت کی درخواست کی تھی ایم کیوایم ہمارے ساتھ کھڑی ہے اورحکومت کی حمایت کی ہے۔
جہانگیرترین کا کہنا تھا کہ شہری اوردیہی سندھ کےحوالےسےہماری تفصیل سےبات ہوئی ہے، کراچی میں ناقص صفائی کا مسئلہ بڑھتا جا رہا ہے، پانی کی قلت ہے۔
رہنما پی ٹی آئی نے کہا وفاق کراچی کی بہتری کے لیے بھرپور تعاون کرنے کو تیار ہے، سندھ کی حکومت یہاں کے مسائل پر توجہ دینے کو تیار نہیں، بدین میں پانی کو روکاگیا جس کی مذمت کرتا ہوں ، سندھ حکومت سیاسی بنیاد پر پانی نہ روکے عوام کو پانی فراہم کرے۔
ان کا کہنا تھا ایگری کلچرسےمتعلق بہترین پروگرام بنایاہے، اس میں سندھ ساتھ نہیں چل رہا، سندھ حکومت سیاسی بنیاد پر ہمارا ہاتھ پکڑنے کو تیار نہیں ہے، عوام اپنے ایم این ایزاور ایم پی ایز سے سوال پوچھیں، کیا وجہ ہے سندھ حکومت بہترین پروجیکٹ میں ساتھ نہیں دیتی۔
جہانگیرترین نے کہا سیاسی مسائل ایک طرف رکھ کر سندھ کے کاشتکاروں کیلئے کام کریں، سیاسی ایشوز الگ عوام کیلئے ہم سب کوساتھ چلناہوگا۔
پی ٹی آئی رہنما کا کہنا تھا باقی صوبوں میں کام ہوا ہو اور سندھ میں نہیں تویہ پی پی کی غلطی ہوگی، جولوگ بھی کرپشن میں پکڑے گئے ان کیساتھ ڈیل ہوگی نہ ڈھیل ہوگی۔
