پشاور : تحریک انصاف کی جیل بھرو تحریک کے پیش نظر خیبرپختونخوا کے مختلف اضلاع میں دفعہ ایک سو چوالیس کا نفاذ کردیا گیا۔
تفصیلات کے مطابق خیبرپختونخوا میں تحریک انصاف کی جیل بھرو تحریک کا آج سے آغاز ہورہا ہے۔
خیبرپختونخوا کے مختلف اضلاع میں دفعہ ایک سو چوالیس کا نفاذ کردیا گیا ، پشاور، صوابی، سوات، مہمند اور ملاکنڈ میں دفعہ ایک سو چوالیس نافذ کی گئی ہے۔
- Advertisement -
ضلعی انتظامیہ نے کہا ہے کہ شہر میں پانچ سے زائد افراد کے ایک ساتھ اکٹھے ہونے پر پابندی عائد کر دی گئی ہے۔
انتظامیہ نے خبردار کیا ہے کہ پابندی کی خلاف ورزی پر سخت قانونی کارروائی کی جائے گی اور دفعہ 188کے تحت گرفتار کیا جائے گا۔
مختلف اضلاع میں موٹرسائیکل کی ڈبل سواری کے ساتھ اشتعال انگیز تقاریر پر بھی پابندی عائد کی گئی ہے جبکہ لاؤڈ اسپیکر کے استعمال اور وال چاکنگ بھی ممنوع ہے۔
