ہوٹلوں میں کمرے کرائے پر ملتے تو آپ نے یقیناً سنا ہوگا اور کسی ہوٹل میں کمرے کی بکنگ بھی کرائی ہوگی، لیکن بھارت میں ایک ایسی جگہ بھی ہے جہاں شاید ہی کسی نے کمرہ کرائے پر لیا ہو۔
جی ہاں!! بھارتی شہر اترا کھنڈ میں ایک جیل ایسی بھی ہے جہاں نہایت سستے دام پر ایک دن کیلئے کمرہ دستیاب ہے یہی نہیں اس کمرے کی بکنگ سرکاری طور پر کی جائے گی۔
بھارتی میڈیا کی ایک رپورٹ کے مطابق اتراکھنڈ کے شہر ہلدوانی میں یہ سینٹرل جیل بھارت کی یہ پہلی جیل ہے جہاں محض پانچ سو روپے کے عوض ایک دن کے لئے کمرہ کرائے پر حاصل کیا جاسکتا ہے۔
مذکورہ جیل کے سربراہ کا کہنا ہے کہ اگر کوئی شخص رات جیل میں گزارنا چاہے تو اس کیلئے اولڈ ونگ میں علیحدہ سے کمرہ بُک جائے گا۔
جیل سپرنٹنڈنٹ کا اس حوالے سے مزید کہنا ہے کہ اس غیر معمولی کام کے لئے درخواست گزار کو ہیڈ کوارٹرز سے باقاعدہ منظوری لینا ہوگی۔