کراچی: انتخابات میں دھاندلی کے خلاف جماعت اسلامی نے شہر کے اہم مقامات پرکل دھرنا دینے کا اعلان کردیا ہے۔
تفصیلات کے مطابق جماعت اسلامی کراچی کے امیر حافظ نعیم الرحمان کا کہنا ہے کہ نتائج بازیاب کروانے کیلئے جدوجہد کریں گے۔ کراچی کے 8 بڑے مقامات پر کل دھرنے دیں گے۔
حافظ نعیم الرحمان نے کہا کہ فارم 45 جمع کرلیں، ہرمحاذ پر مینڈیٹ کیلئے لڑیں گے۔ جن غباروں میں زبردستی ہوا بھری گئی وہ جلد پھٹنے والے ہیں.
شہر قائد میں جماعت اسلامی کے امیر کا کہنا تھا کہ کراچی والوں نے جاگیرداروں اور انکے آلہ کاروں کو مسترد کردیا ہے.
انھوں نے کہا کہ الیکشن کمیشن کو اپنا فیصلہ واپس لینا ہوگا۔ کسی صورت مینڈیٹ چوری نہیں ہونے دیں گے۔
Comments
- Advertisement -
