’جماعت اسلامی نمبرون پر آرہی ہے‘

امیر جماعت اسلامی کراچی حافظ نعیم الرحمان نے کہا ہے کہ کراچی کے بلدیاتی انتخابات میں جماعت اسلامی نمبرون پر آرہی ہے۔

اے آر وائی نیوز سے گفتگو کرتے ہوئے حافظ نعیم الرحمان نے کہا کہ شہر بھر سے جماعت اسلامی کو اچھے نتائج موصول ہو رہے ہیں جماعت اسلامی نمبر ون پر اور میراخیال سے دوسرے نمبر پر پی پی ہوگی۔

انہوں نے کہا کہ کئی یوسیز میں ہم کامیاب ہو چکے ہیں اور کئی میں آگے ہیں مکمل نتیجہ حاصل کرنے کے بعد ہی نمبرز بتائیں گے کراچی کےلوگوں کا ہم پراعتماد ہے ہماری جدوجہد کو منظور کیا گیا۔

حافظ نعیم الرحمان نے کہا کہ پیپلزپارٹی نے اپناحساب کتاب بنا کر چیزیں بنائیں گنتی کےعمل میں دھاندلی کی شکایت نہیں، کچھ جگہوں سےشکایات آرہی ہیں کہ وہاں گڑبڑچل رہی ہے کچھ جگہوں پرقبضہ کیا گیا ٹھپے بھی لگانےکی کوشش کی گئی۔

Comments