لاہور : جماعت اسلامی کے نئے امیر کیلئے لیاقت بلوچ ،سراج الحق، حافظ نعیم کا نام سامنے آگئے ، لیاقت بلوچ کے قائمقام امیر جماعت مقرر ہونے کا امکان ہے۔
تفصیلات کے مطابق جماعت اسلامی کے نئے امیر کا انتخاب کرنے کا فیصلہ کرلیا گیا ، سراج الحق، لیاقت بلوچ اور حافظ نعیم الرحمان کے نام شامل
ہیں۔
ذرائع جماعت اسلامی نے کہا کہ مرکزی شوریٰ نے 17 فروری کو منصورہ میں اجلاس طلب کر لیا، شوریٰ کے اجلاس میں میں استعفے کے بعد کی صورتحال کا جائزہ لیا جائے گا اور شوریٰ سراج الحق کا استعفیٰ منظور کرنے یا نہ کرنے کا فیصلہ کرے گی۔
ذرائع جماعت اسلامی کا کہنا تھا کہ اراکین جماعت اسلامی کسی اور رکن کی بطور امیر منصب کیلئے رائے دے سکتے ہیں۔
جماعت اسلامی کے نئے امیر کیلئے انتخابی مراحل 31مارچ تک مکمل کئےجائیں گے، جماعت اسلامی کے نئے امیر کیلئے لیاقت بلوچ ،سراج الحق، حافظ نعیم کا نام تجویز کیا گیاہے۔
ذرائع جماعت اسلامی کا کہنا تھا کہ لیاقت بلوچ کے قائمقام امیرجماعت مقرر ہونے کا امکان ہے۔
صدرانتخابی کمیشن جماعت اسلامی راشد نسیم کا کہنا ہے کہ اپریل میں نئے امیر جماعت اسلامی اعلان ہوگا۔
گذشتہ روز سراج الحق نے انتخابات میں ناکامی کوقبول کرتے ہوئے امیر جماعت اسلامی کے عہدے سے استعفیٰ دے دیا تھا اور کہا تھا کہ بھرپو کوشش اور محنت کے باوجود انتخابات میں مطلوبہ کامیابی نہیں دلاسکا۔
