جماعت اسلامی نے 6 اکتوبر کو گورنرہاؤس کراچی کے باہر دھرنے کا مقام تبدیل کرنے سے متعلق حکومتی درخواست مسترد کر دی۔
تفصیلات کے مطابق ڈپٹی کمشنر جنوبی ریٹائرڈ الطاف ایچ ساریو سے امیر جماعت اسلامی ضلع کراچی جنوبی و سابق ایم پی اے سید عبدالرشید سے مذاکرات ہوئے۔
- Advertisement -
ڈپٹی کمشنر نے مہنگائی بجلی اور پٹرولیم قیمتوں کے خلاف چھ اکتوبر کو گورنر ہاؤس کے باہر منعقدہ دھرنے کی جگہ تبدیل کرنے کی درخواست کی۔
جماعت اسلامی نے جگہ تبدیل کرنے کی حکومتی درخواست مسترد کر دی۔ رہنما جماعت اسلامی نے دوٹوک کہا کہ چھ اکتوبر کو دھرنا ہر صورت گورنر ہاؤس پر ہوگا دھرنے کی قیادت امیر جماعت اسلامی سراج الحق کریں گے۔
سید عبدالرشید نے کہا کہ شہری انتظامیہ عوامی مطالبات پر منعقد دھرنے کے سلسلے میں تعاون کرے، سیکیورٹی پلان اور متبادل ٹریفک روٹ کا اعلان کیاجائے۔
