تازہ ترین

بدکلامی پرآسٹریلوی فاسٹ بولر پاکستان کیخلاف میچ سے باہر

سڈنی: کرکٹ آسٹریلیا نے بدکلامی کرنے پر فاسٹ بولر جیمزپیٹنسن کو پاکستان کے خلاف پہلے ٹیسٹ میچ سے باہر کردیا۔

تفصیلات کے مطابق ڈومیسٹک میچ میں حریف کھلاڑی سے بد کلامی کرنا فاسٹ بولر جیمزپیٹنسن کو مہنگا پڑ گیا، کرکٹ آسٹریلیا نے واقعے کا جائزہ لینے کے بعد فاسٹ بولر کو ضابطہ اخلاق کی خلاف ورزی کا مرتکب قرار دے دیا۔

کرکٹ آسٹریلیا نے بیان میں کہا ہے کہ فاسٹ بولر جیمزپیٹنسن کو ایک میچ کے لیے معطل کردیا گیاہے اور وہ پاکستان کے خلاف پہلے ٹیسٹ کا حصہ نہیں ہوں گے۔

بیان میں کہا گیا ہے کہ پیٹنسن نےشیفیلڈ شیلڈ کے میچ کےکوڈآف کنڈکٹ کی خلاف ورزی کی جس بنا پر بولر کے خلاف کارروائی عمل میں لاتے ہوئے ایک میچ کی پابندی عائد کی گئی۔

دوسری جانب فاسٹ بولر نے اپنی غلطی کا اعتراف کرتے ہوئے تسلیم کیا ہے کہ ان سے ضابطہ اخلاف کی خلاف ورزی ہوئی ہے جس پرانہیں دکھ اور افسوس ہے۔

Comments

- Advertisement -