کوئٹہ: نگراں وزیراطلاعات بلوچستان جان اچکزئی کا کہنا ہے کہ آرمی چیف کے ایکشن نے بھارتی نیٹ ورک کو بے نقاب کردیا اور بلوچ خواتین کا بھارت میں تیارہونےوالا ڈراما فلاپ ہوگیا۔
تفصیلات کے مطابق نگراں وزیراطلاعات بلوچستان جان اچکزئی نے میڈیا سے گفتگو کرتے ہوئے کہا کہ ہم باربار کہہ رہےہیں کہ لاپتہ افراد کا مسئلہ حل ہورہا ہے۔
ایرانی حملوں کے جواب پر جان اچکزئی کا کہنا تھا کہ مسلح افواج نےآرمی چیف کی قیادت میں خودمختاری چیلنج کرنے والوں کوبھرپورجواب دیا،پوری قوم خاص طورپراہل بلوچستان انکےتہہ دل سےشکرگزارہیں،جان اچکزئی
نگراں وزیراطلاعات بلوچستان نے کہا کہ آرمی چیف کے ایکشن نے بھارتی نیٹ ورک کو بےنقاب کردیا، اسلام آباد میں بلوچ خواتین کا بھارت میں تیارہونے والا ڈرامہ فلاپ ہوگیا ہے۔
ان کا کہنا تھا کہ ڈاکٹر ماہ رنگ چندلوگوں سےملکربلوچ خواتین کوگمراہ کررہی تھیں، ڈاکٹر ماہ رنگ کی پریس کانفرنس سےپردہ اٹھ گیا، ماہ رنگ کے سہولت کار بھی قومی اداروں اور فورسز کو بدنام کرنے میں پیش پیش تھے۔
جان اچکزئی نے کہا کہ اسلام آباد میں مارچ کےدوران ماہ رنگ اور ان کے ساتھی ایکسپوزہوگئے ہیں، بھارت کے ہاتھوں میں کھیلنےوالے بلوچ بھائیوں کو عام معافی دے کر قومی دھارےمیں لارہےہیں، مزیدعلیحدگی پسندجلدقومی دھارےمیں آنے والے ہیں۔
نگراں وزیراطلاعات بلوچستان کا کہنا تھا کہ پاکستان خاص طور پر بلوچستان میں دشمن قوتیں اندرونی خلفشارپیداکررہےتھے لیکن دشمن اپنی کوششوں میں کامیاب نہیں ہوں گے۔
انھوں نے کہا کہ اسلام آباد میں بیٹھےنام نہاد دانشوروں کاخیال تھا پاکستان کا تشخص خراب کریں گے مگران میرجعفروں کومنہ کی کھانی پڑی۔
جان اچکزئی کا مزید کہنا تھا کہ پاکستانی عوام نے شہدا کے لواحقین کودیکھا توانہیں صورتحال کاادراک ہوگیا، پہلے بھی دھرنے دینے والی خواتین کوقومی دھارےمیں شامل ہونےکی پیشکش کی، ہماری فورسز کو بھارت کی سازشوں کاپہلےسےپتاتھا، اس حوالےسےہماری افواج پوری طرح تیارتھی۔
