سینیٹر فیصل واوڈا نے کہا ہے کہ 20 جنوری تک کچھ نہیں ہوگا پی ٹی آئی کومایوسی ہوگی، شہباز شریف کی حکومت مستحکم ہے۔
اے آر وائی کے پروگرام آف دی ریکارڈ میں گفتگو کرتے ہوئے فیصل واوڈا کا کہنا تھا کہ 85 فیصد یقین ہے کہ شہباز حکومت مستحکم ہے، جوڈیشل کمیشن پرحکومت کہے گی 2014 کے دھرنے پر بھی کمیشن بننا چاہیے، ایسے پیچھے جاتے رہیں گے تو پھر کوئی جوڈیشل کمیشن نہیں بن سکے گا۔
انھوں نے کہا کہ پروڈکشن آرڈر کے باوجود کسی ممبر کو ایوان میں نہ لانا غلط ہے، جیل سپرنٹندنٹ نے پروڈکشن آرڈر نہیں مانے تو ایوان کی بےعزتی ہے۔
فیصل واوڈا نے مزید کہا کہ جیل سپرنٹندنٹ نے پروڈکش آرڈر نہیں مانے تو ظاہر ہے وزیراعلیٰ پنجاب کا آرڈر ہوگا، اڈیالہ جیل پنجاب حکومت کے ماتحت ہے اس لیے وزیراعلیٰ ذمہ دار ہوں گی۔
پروڈکشن آرڈر نہ ماننے سے اسٹیبلشمنٹ کا کوئی تعلق نہیں ہے، چیئرمین سینیٹ نے پروڈکشن آرڈر جاری کرکے اختیارات کا استعمال کرلیا، جیل سپرنٹنڈنٹ کی جانب سے پہلے تو پروڈکشن آرڈر سے انکار نہیں کیا گیا ہوگا،
فیصل واوڈا نے کہا کہ جیل سپرنٹنڈنٹ نے انکار کیا ہے تو ہمارے لیے ڈوب مرنے کا مقام ہے، ہم ایوان بالا کا استحقاق مجروح نہیں ہونے دیں گے۔
190 ملین پاؤنڈ معاہدے کی منظوری کابینہ میں دی گئی تھی، کابینہ میں ہم 3 لوگوں نے فیصلے کی کھل کرمخالفت کی تھی، 190 ملین پاؤنڈ کے معاملے میں پوری کابینہ ذمہ دارہے، ہم نے کابینہ میں مخالفت کی تھی لیکن پوری کابینہ ذمہ دار ہے۔
فیصل واوڈا نے کہا کہ پی ٹی آئی کو ٹرمپ کارڈ پر مایوسی ہونے والی ہے، ایسا نہ ہو پی ٹی آئی کا ٹرمپ کارڈن کل کرشہباز شریف کےکھاتے میں چلا جائے، صورتحال یہ ہے کہ ٹرمپ کارڈ ایک جگہ سے نکل کر دوسری جگہ جاسکتا ہے۔
