ٹوکیو : جاپان میں مستقبل کی گاڑیوں اڑن کار، جدید جیپ اور اسپورٹس گاڑیوں کی دلچسپ اور حیرت انگیز نمائش کا انعقاد کیا گیا۔
جاپانی خبررساں ادارے کے مطابق دارالحکومت ٹوکیو میں چار سال کے وقفے کے بعد بین الاقوامی آٹو شو کا انعقاد کیا گیا ہے جس میں جدید الیکٹرک گاڑیاں نمائش کے لیے رکھی گئی ہیں۔
نمائش میں بڑی تعداد میں لوگوں نے شرکت کی۔ ٹویوٹا، ہونڈا، نسان اور دیگر برانڈز کی جدید الیکٹرک گاڑیاں شائقین کی توجہ کا مرکز بنی رہیں۔
اس مرتبہ اس شو کا نام ’جاپان موبیلٹی شو 2023‘رکھا گیا ہے۔ اس سے قبل اس شو کا نام ’ٹوکیو آٹو شو‘ تھا۔ طیارہ ساز کمپنی جابی ایوی ایشن کی اڑن کار 2023 میں نمائش کے لیے رکھی گئی ہے۔
اس کے علاوہ مزدا مساہیرو مورو کے سربراہ نے جدید کار مزدا آئیکونک ایس پی کی رونمائی کی اس موقع پر کچھ لوگ ہونڈا کروز اوریجن کے ساتھ تصویریں بناتے رہے۔
سونی ہونڈا موبیلٹی کی نئی جدید گاڑی افیلا بھی اس نمائش کا حصہ تھی، مٹسوبشی موٹرز کے سی ای او تکاؤ کاتو نے مٹسوبشی ڈی ایکس کنسیپٹ کو نمائش کے لیے پیش کیا۔ نمائش میں سوبارو آتسوشی اوساکی کی اسپورٹس کار بھی بے حد پسند کی گئی۔
