The news is by your side.

Advertisement

جاپان کے وزیراعظم آج پرل ہاربرکادورہ کریں گے

واشنگٹن : جاپان کے وزیراعظم آج امریکی ریاست ہوائی میں صدربراک اوباما کے ساتھ امریکی بحری اڈے پرل ہاربرکا دورہ کریں گے۔

امریکی میڈیا کے مطابق جاپانی وزیراعظم شنزو آبے امریکی ریاست ہوائی پہنچے ہیں جہاں سے وہ امریکی بحری اڈے پرل ہاربر کا دورہ کریں گے۔

جاپانی وزیراعظم شنزو آبےانیس سواکیاون کے بعدپرل ہاربرکا دورہ کرنے والے دوسرے جاپانی وزیراعظم ہیں۔اس سے قبل وزیراعظم شنگرو یوشیدا نے سنہ 1951 میں پرل ہاربر کا دورہ کیا تھا۔

شنزو آبے کے پرل ہاربر کے دورے کے موقع پر صدر اوباما بھی ان کے ہمراہ ہوں گے۔دونوں ملکوں کے رہنماؤں کاایک ساتھ امریکی بحری اڈے کا دورہ کرنے کا یہ پہلا موقع ہے۔

یاد رہے کہ امریکی ریاست ہوائی میں بحری اڈے پرل ہاربر پر حملے کے نتیجے میں 2300 امریکی فوجی ہلاک ہوئے تھے۔

مزید پڑھیں:اگست 1945 میں جوہری بم گرانے کے بعد کسی امریکی صدر کا پہلا دورۂ ہیروشیما

واضح رہے کہ شنزو آبےپرل ہاربرحملے کے 75 سال مکمل ہونے کے تین ہفتوں بعد ہوائی کا دورہ کر رہے ہیں اور ان کے اس دورے سے قبل امریکی صدر براک اوباما نے ہیروشیما کا دورہ کیا تھا۔

Print Friendly, PDF & Email

Comments

comments

یہ بھی پڑھیں