انگلینڈ کے اوپننگ بلے باز جیسن رائے نے پشاور زلمی کے کپتان بابراعظم کی پی ایس ایل کی پہلی سنچری پر ان کی تعریفوں کے پلُ باندھ دیے۔
میچ کے بعد پریس کانفرنس میں گفتگو کرتے ہوئے دائیں ہاتھ کے بلے باز زلمی کے کپتان بابر اعظم کی پی ایس ایل کی پہلی سنچری کی تعریف کرتے رہے۔
انہوں نے کہا کہ بابر کی سنچری دیکھنا میرے لیے ناقابل یقین تھا تاہم بدقسمتی سے یہ ہمارے خلاف بنی ہے میرا مطلب ہے کہ یہ وہ چیزیں ہیں جو میں ٹی وی پر بار بار دیکھتا ہوں۔
ان کا کہنا تھا کہ میرے خیال میں یہ بابر کی آٹھویں سنچری تھی اور اسے دیکھنا تھا میرے لیے انتہائی خاص تھا ان کا بیٹنگ انداز دلکش ہے اور خوبصورت بیٹنگ کرتے ہیں۔
جیسن رائے نے نوجوان پلیر صائم ایوب کی تعریف کرتے ہوئے کہا کہ دوسرے سرے سے بابر کے ساتھی صائم نے بہت اچھی طرح سے مدد کی جو نوجوان پلیئر ہے بابر کو پہلی بار دیکھنا بہت خاص تھا یہ کرکٹ کا ایک ناقابل یقین میچ تھا جسے میں ساری زندگی یاد رکھوں گا۔
واضح رہے کہ جیسن روئے نے خود پشاور زلمی کے خلاف میچ میں 145 رنز کی ریکارڈ اننگز کھیل کر کوئٹہ کو تاریخی فتح سے ہمکنار کیا تھا۔
