لاہور: پاکستان کے معروف اداکار جاوید کوڈو انتقال کرگئے، ان کے انتقال کی اہلخانہ کی جانب سے تصدیق کردی گئی۔
اداکار جاوید کوڈو کئی سالوں سے علیل تھے، اسٹیج کامیڈی کا بڑا نام جاوید کوڈو کچھ سالوں قبل ٹریفک حادثے میں شدید زخمی بھی ہوگئے تھے، ان کی کولہے کی ہڈی ٹوٹ گئی تھی جس کو جوڑنے کے لیے ان کا آپریشن بھی کیا گیا تھا۔
جاوید کوڈو کے اہلخانہ کا ان کی نماز جنازہ کے حوالے سے کہنا ہے کہ اداکار کی نمازہ جنازہ کا اعلان بعد میں کیا جائےگا۔
جاوید کوڈو نے اپنے کیریئر کا آغاز 1981 میں ڈرامہ سودے باز سے کیا، انھوں نے 150 پنجابی اور اردو فلم میں بھی اپنی اداکاری کے جوہر دکھائے، ان کا ڈرامہ ’آشیانہ‘ آج بھی لوگوں کو یاد ہے۔
یاد رہے کہ 2016 میں کامیڈین و اداکار جاوید کوڈو کی طبعیت اچانک خراب ہونے پر انھیں فوری طور پر گنگا رام اسپتال لاہور منتقل کیا گیا تھا، ڈاکٹرز نے بتایا تھا کہ انکی دماغ کی شریان کو معمولی نقصان پہنچا تھا تاہم پھر وہ ریکیور کرگئے تھے۔
