لاہور: پاکستانی شوبز انڈسٹری کی معروف جوڑی جویریہ اور سعود حج کی ادائیگی کے لیے سعودی عرب روانہ ہوگئے ہیں۔
جوڑے نے حج پر روانگی سے قبل فوٹو شیئرنگ ایپ انسٹاگرام پر ایک تصویر شیئر کی ہے، جس میں دیکھا جاسکتا ہے کہ سعود نے احرام باندھا ہوا ہے جبکہ جویریہ نے سفید لباس زیب تن کیا ہوا ہے۔
جویریہ نے اپنی پوسٹ کے کیپشن میں لکھا کہ حج کی سعادت حاصل کرنے کا موقع فراہم کرنے پر اللہ کا شکر ادا کیا۔
سوشل میڈیا صارفین نے جوڑی کے لیے نیک خواہشات کا اظہار کیا ہے۔
View this post on Instagram
خیال رہے کہ سابق اسپیڈ اسٹار اور قومی کرکٹر شعیب اختر بھی فریضہ حج کیلئے سعودی عرب میں ہیں، انہوں نے روانگی سے قبل سماجی رابطے کی ویب سائٹ ٹویٹر پر احرام میں اپنی تصاویر شیئر کیں اور لکھا کہ ’الحمدللہ میں سعودی عرب کے سرکاری مہمان کی حیثیت سے فریضہ حج کی ادائیگی کے لیے جارہا ہوں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں