‘بھارتیوں کو تمیز سیکھنے کی ضرورت ہے’ -
The news is by your side.

Advertisement

‘بھارتیوں کو تمیز سیکھنے کی ضرورت ہے’

ممبئی: بھارتی اداکارہ اور سیاستدان جیا بچن اس وقت سخت غصہ میں آگئیں جب ایک طالبعلم نے ان کی تصویر کھینچنے کی کوشش کی۔ انہوں نے اسے بے بھاؤ کی سناتے ہوئے بھارتیوں کو تہذیب سیکھنے کا مشورہ دے ڈالا۔

ممبئی کے ایک کالج میں ہونے والے ایک مباحثہ کے دوران جیا بچن تصاویر کھینچنے پر غصہ میں آگئیں۔ وہ وہاں طالبعلموں کو اپنے تجربات بتانے کے لیے پہنچی تھیں۔ دوران گفتگو جب ایک طالبعلم نے ان کی تصویر کھینچنے کی کوشش کی تو انہوں نے بات ادھوری چھوڑ کر اس طالبعلم کو سختی سے ڈانٹ دیا۔

میں کوئی لاش نہیں جو کام نہیں کر سکتی *

جیا کا کہنا تھا کہ کیمرے کی فلیش لائٹ ان کی آنکھوں میں چبھ رہی ہے۔ ’یہ تہذیب کا ایک بنیادی اصول ہے کہ کسی کو گفتگو کے دوران مخل نہ کیا جائے اور ہم بھارتیوں کو شدت سے اسے سیکھنے کی ضرورت ہے‘۔

انہوں نے کہا، ’لوگ کہیں بھی، کسی کی بھی، بغیر پوچھے تصویر کھینچنے لگتے ہیں۔ یہ میرا حق ہے کہ میں آپ کو اپنی تصویر نہ کھینچنے دوں‘۔

انہوں نے غصہ میں کہا، ’والدین اور اساتذہ کو ضرورت ہے کہ وہ بچوں کو تمیز و تہذیب کے بنیادی اصول سکھائیں۔ ہمارے اندر اس کی شدید کمی ہے۔‘۔

واضح رہے کہ جیا بچن اس سے پہلے بھی کئی بار غصہ میں آ کر صحافیوں اور مداحوں سے الجھ چکی ہیں۔

Comments

comments

یہ بھی پڑھیں