بھارتی لیجنڈری اداکارہ اور سیاستدان جیا بچن کو بھارت کی ‘سماج وادی پارٹی’ نے اتر پردیش سے ایوان بالا کے لیے دوبارہ نامزد کردیا ہے۔
میڈیا رپورٹس کے مطابق امیتابھ بچن کسی تعارف کے محتاج نہیں تاہم ان کی اہلیہ جیا بچن ماضی کی نامور اداکارہ رہیں اور ملکی سیاست میں ایک خاص حیثیت رکھتی ہیں۔
بھارتی میڈیا رپورٹس کے مطابق جیا بچن کو سماج وادی پارٹی کی جانب سے راجیہ سبھا میں مسلسل پانچویں میعاد کیلیے دوبارہ نامزد کیا گیا ہے۔ انہوں نے حال ہی میں اپنے کاغذات نامزدگی جمع کروائے۔
امیتابھ بچن اور اہلیہ جیا کے مالی اثاثوں نے سب کے ہوش اڑا دیے
بھارتی میڈیا کا بتانا ہے کہ راجیہ سبھا کے لیے پانچویں بار کاغذات نامزدگی جمر کرانے والی جیا بچن پارٹی لیڈر رام گوپال یادو کا ریکارڈ توڑنے جارہی ہیں جو پانچ بار ایوان بالا کے رکن کے طور پر خدمات انجام دے چکے ہیں۔
27 فروری کو ہونے والے راجیہ سبھا انتخابات کے لیے جیا بچن کے ساتھ پارٹی کے دیگر دو ارکان رام جی لال سمن اور آلوک رنجن کو بھی نامزد کیا گیا ہے۔
بھارتی میڈیا کا کہنا ہے کہ راجیہ سبھا کے ایوان میں کئی اداکار ممبر رہے لیکن کوئی بھی جیا بچن کی طرح فعال دکھائی نہیں دیا۔ 75 سالہ اداکارہ نے 2009 سے 2024 تک ایوان بالا میں 82 فیصد حاضر رہیں جو قومی اوسط 79 فیصد سے تین فیصد زیادہ ہے۔
