اپنے عجیب و غریب بیانات اور ٹوئٹس کی وجہ سے خبروں میں رہنے والے فلم ہدایت کار رام گوپال ورما نے کہا کہ کچھ بھارتی فلمساز آر آر آر کے ہدایت کار راجامولی کو قتل کرنے کی سازش کررہے ہیں۔
فلمساز رام گوپال ورما نے سوشل میڈیا پر کہا کہ وہ فلم سازوں کے ایک ’قاتل اسکوارڈ‘ کا حصہ ہیں جو ایس ایس راجامولی کو مارنا چاہتے ہیں، رات گئے اپنے اس سنسنی خیز ٹویٹس سے رام گوپال ورما نے سوشل میڈیا پر ہنگامہ برپا کردیا۔
انہوں نے ایک ٹوئٹ میں ایس ایس راجامولی کی تعریف کرتے ہوئے لکھا کہ ’ آپ نے آصف کے مغل اعظم سے لے کر رمیش کے شولے، کرن جوہر کی اور بھارت کے سنجے لیلا بھنسالی تک سب کو پیچھے چھوڑ دیا ہے، اس لیے میں آپ کے ہاتھ چومنا چاہتا ہوں‘۔
Hey @ssrajamouli U basically SURPASSED every film maker from #KaAsif who made #MughaleAzam till #RameshSippy who made #Sholay and also the likes of Aditya Chopras, Karan Johars and the bhansalis of India and I want to suck ur little toe for that https://t.co/KCgN0u2eJa
— Ram Gopal Varma (@RGVzoomin) January 23, 2023
آر آر آر: شائقین نے آسکر ایوارڈ کی اُمید باندھ لی
ہدایتکار رام گوپال ورما نے ایک اور ٹوئٹ میں لکھا کہ’جناب راجا مولی مہربانی کرکے آپ اپنی سیکیورٹی بڑھا لیں کیوں کہ بھارت میں ایک حاسد فلمساز گروپ نے آپ کو مارنے کے لیے ایک قاتل اسکواڈ تشکیل دی ہے، میں بھی اس گروپ کا حصہ ہوں، میں یہ راز آپ کو بتا رہا ہوں کیوں کہ میں نے پی رکھی ہے‘۔
And sir @ssrajamouli , please increase ur security because there is a bunch of film makers in india who out of pure jealousy formed an assassination squad to kill you , of which I am also a part ..Am just spilling out the secret because I am 4 drinks down
— Ram Gopal Varma (@RGVzoomin) January 23, 2023
واضح رہے کہ گزشتہ برس 2022 میں ریلیز ہونے والی فلم ’آر آر آر‘ اب تک گولڈن گلوب ایوارڈ، کریٹکس چوائس مووی ایوارڈ اور نیو یارک فلم کریٹکس سرکل ایوارڈ سمیت 15 انٹرنیشنل ایوارڈ اپنے نام کر چکی ہے۔
ہدایت کار ایس ایس راجا مولی کی اس فلم نے انڈیا میں تاریخی کامیابیاں حاصل کرنے کے ساتھ ساتھ ہالی ووڈ کو بھی اپنے سحر میں جکڑ لیا ہے۔
