امریکا میں ایک غار سے 142 سال قدیم جینز کی پینٹ دریافت کرلی گئی، ماہرین کا کہنا ہے کہ معمولی رفو گری کے بعد اسے دوبارہ پہننے کے قابل بنایا جاسکتا ہے۔
امریکی میڈیا کے مطابق مغربی امریکا میں ایک غار سے دریافت یہ جینز سنہ 1880 کی تیار شدہ ہے۔
اس نایاب جینز کو زیپ اسٹیونسن نامی شخص نے 87 ہزار 400 امریکی ڈالرز (لگ بھگ 1 کروڑ 90 لاکھ پاکستانی روپے) میں خریدا ہے۔
View this post on Instagram
جینز کمپنی کے ماہرین کا کہنا ہے کہ جس وقت کی یہ جینز ہے اس وقت کی بنائی گئی چند ایک جینز ہی اس وقت دستیاب ہیں۔
جینز کے ٹیگ پر لکھا ہے، ’یہ قسم سفید فام ورکرز کی تیار کردہ ہے‘، یہ اس وقت جینز کمپنی کی ٹیگ لائن تھی جب سنہ 1882 میں پاس کیے گئے ایک ایکٹ کے تحت چینی شہریوں کے امریکا میں داخلے پر پابندی عائد کردی گئی تھی۔
ماہرین کے مطابق چند معمولی رفو گریوں اور مرمت کے بعد اس جینز کو دوبارہ استعمال کے قابل بنایا جاسکتا ہے۔