The news is by your side.

جدہ سیزن : شہر کے تاریخی مقامات نے شرکاء کو حیران کردیا

ریاض : جدہ سیزن میں آنے والوں کی تعداد ایک ماہ میں 20 لاکھ سے بھی زائد ہوگئی ہے، دو مئی2022 کو شروع ہونے والے جدہ سیزن کو دیکھنے کیلئے مختلف ممالک کے عوام جوق در جوق چلے آرہے ہیں۔

سعودی عرب میں جدہ سیزن کی انتظامیہ نے رنگا رنگ پروگرام سے لطف اٹھانے کا موقع فراہم کرنے کے لیے اپنی تاریخ کے دروازے کھول دیے۔

شرکاء کو جدہ شہر کے ایک ایک حصے میں محفوظ، انمول اور ثقافتی نوادرات سے متعارف ان کے ماضی میں جانے کے بھرپور مواقع مل رہے ہیں۔

سرکاری خبر رساں ایجنسی ایس پی اے کے مطابق جدہ کا تاریخی علاقہ قدیم عمارتوں سے مالا مال ہے۔ یہاں پر قائم بعض عمارتیں چار سوسال پرانی ہیں۔ ان میں جدہ کی فصیل اور اس کے تاریخی محلے مثلاً المظلوم، الشام، الیمن اور البحر محلے قابل ذکر ہیں۔

قدیم تاریخی مساجد اور عوامی بازار :

جدہ کے تاریخی علاقے میں قدیم مساجد بھی اپنی ایک شان رکھتی ہیں۔ ان میں نمایاں ترین عثمان بن عفان، الشافعی، الباشا، عکاش، المعمار اور الحنفی جامع مساجد قابل ذکر ہیں۔

جدہ کی تاریخی مساجد فن تعمیر کا حسین شاہکار | Urdu News – اردو نیوز

یہاں تاریخی اور عوامی بازار بھی ہیں، جدہ کے تاریخی علاقے میں ہر روز کوئی نہ کوئی عوامی پروگرام ہورہا ہے۔ جدہ کے تاریخی علاقے میں متعدد میدان ہیں جو خطے کے ورثے سے ماخوذ فن پاروں سے آراستہ ہیں یہاں سعودی عرب کے مشہور تجریدی آرٹسٹوں کے فن پارے سجے ہوئے ہیں۔

جدہ کے تاریخی علاقے میں ہونے والے پروگرام میں ایک نمائش کا انعقاد بھی کیا گیا ہے جس میں شہر کے قیام کی تاریخ اجاگر کی جا رہی ہے۔

جدہ کے اہم مقامات: تاریخی مقامات اور دیکھنے لائق مقبول جگہیں

جدہ سیزن میں شرکاء کو یہ بتایا جا رہا ہے کہ اس شہر کا نام جدہ کیوں پڑا؟ شہر کے تاریخی محلوں، یہاں کے مشاہیر اور فصیل کا قصہ بھی ہے۔

مزید پڑھیں : "جدہ سیزن” کی رنگا رنگ تقاریب، شہر کو چار چاند لگ گئے

اس کے علاوہ جدہ کے دروازوں کی کہانیاں اور اس کی اہم قابل دید عمارتوں کا تعارف بھی پیش کیا جا رہا ہے۔ جدہ کے تاریخی علاقے میں قدیم زمانے میں بچوں میں رائج کھیلوں کی بابت بھی شرکاء کو آگاہ جا رہا ہے۔

Comments

یہ بھی پڑھیں