تازہ ترین

امریکا میں فائرنگ، پولیس افسر سمیت 6 افراد ہلاک

نیوجرسی: امریکی ریاست نیوجرسی میں فائرنگ سے پولیس اہلکار سمیت 6 افراد ہلاک ہوگئے۔

غیرملکی خبررساں ادارے کی رپورٹ کے مطابق امریکی ریاست نیوجرسی میں فائرنگ سے پولیس اہلکار سمیت 3 شہری ہلاک ہوگئے، سیکیورٹی اہلکاروں کی جوابی فائرنگ میں 2 حملہ آور بھی مارے گئے۔

رپورٹ کے مطابق پولیس اہلکار قتل کی تفتیش کے سلسلے میں 2 افراد سے پوچھ گچھ کے لیے پہنچا تو ملزمان نے پولیس اہلکار کے سر میں گولی ماری اور فرار ہوگئے۔

بعدازاں حملہ آور گاڑی میں فرار ہونے کے بعد ایک دکان میں گھس گئے جہاں سیکیورٹی اہلکاروں کی فائرنگ سے دونوں ملزمان ہلاک ہوگئے۔

مزید پڑھیں: امریکا میں مسلسل فائرنگ کے واقعات،  3 افراد ہلاک

پولیس اور ملزمان کے درمیان فائرنگ کے تبادلے میں 3 شہری بھی ہلاک ہوئے، حکام کے مطابق واقعہ دہشت گردی کا نہیں جبکہ مزید تفتیش جاری ہے۔

واضح رہے کہ چند روز قبل بھی امریکی ریاست اوکلاہوما کے شہر ڈنکن میں فائرنگ کا واقعہ پیش آیا تھا جس کے نتیجے میں 3 افراد ہلاک ہوگئے تھے۔

یاد رہے کہ 18 نومبر کو بھی امریکی ریاست کیلی فورنیا کے شہر فریسنو میں فائرنگ سے 4 افراد جاں بحق جبکہ 6 افراد زخمی ہوئے تھے، فائرنگ کا واقعہ اس وقت پیش آیا جب گھر میں تقریب جاری تھی۔

اس سے قبل گزشتہ ماہ امریکی ریاست کیلی فورنیا کے ایک گھر میں ہیلووین پارٹی کے دوران مسلح شخص کی فائرنگ کے نتیجے میں 3 افراد ہلاک اور 9 زخمی ہوگئے تھے۔

Comments

- Advertisement -