کراچی : جماعت اسلامی نے کے الیکٹرک کی جانب سے لوڈ شیڈنگ کیخلاف آج احتجاج کا اعلان کرتے ہوئے شہریوں سے شرکت کی اپیل کردی۔
تفصیلات کے مطابق امیر جماعت اسلامی کراچی منعم ظفر نے شدید گرمی میں بجلی کی بدترین لوڈ شیڈنگ کے خلاف احتجاج کا اعلان کردیا۔
امیر جماعت اسلامی کراچی نے کراچی کے شہریوں سے احتجاج میں شرکت کی اپیل کی ہے۔
ترجمان جے آئی نے کہا کہ لوڈ شیڈنگ کے خلاف شہر بھر کی 10 سے زائد اہم شاہراہوں پر احتجاجی مظاہرے ہوں گے۔
منعم ظفر کا کہنا تھا کہ کے الیکٹرک کا لائسنس منسوخ، نیشنل گرڈ سے بجلی دی جائے، شہر میں 12 سے 18 گھنٹے کی لوڈشیڈنگ، شہری بے حال ہیں۔
امیر جماعت اسلامی کراچی نے مطالبہ کیا کراچی والوں پر برقی دہشتگردی بند کی جائے، گرمی میں بدترین لوڈشیڈنگ کی وجہ سےشہریوں کی زندگی اجیرن ہوگئی اور عوام مہنگی بجلی خریدنے پر مجبور ہے، 2005 سے اب تک کے الیکٹرک کی پیداوار کم، صارفین دگنے ہوگئے ہیں۔
