پشاور: خبیر پختونخوا اسمبلی کے تین حلقوں پر جماعت اسلامی پاکستان کے جیتے ہوئے امیدواروں کو دوبارہ گنتی میں شکست ہوگئی۔
پی کے 21 باجوڑ سے جماعت اسلامی سردار خان نے 16 ہزار 844 ووٹ حاصل کیے تھے جبکہ پی ٹی آئی کے حمایت یافتہ آزاد امیدوار نے 15 ہزار 713 ووٹ لیے تھے۔
حلقے میں دوبارہ گنتی میں جماعت اسلامی کے امیدوار کو شکست ہوئی۔ آزاد امیدوار اجمل خان 16 ہزار 712 ووٹ لے کر کامیاب ہوئے جبکہ سردار خان 8 ہزار 128 ووٹ لے کر دوسرے نمبر پر آگئے۔
پی کے 17 لوئر دیر میں جماعت اسلامی کے امیدوار اعزاز الملک کی جیت ہار میں تبدیل ہوئی۔ حلقے سے ری کاؤنٹنگ میں پی ٹی آئی حمایت یافتہ آزاد امیدوار عبیداللہ کامیاب قرار پائے۔
اسی طرح پی کے 20 باجوڑ میں جماعت اسلامی کے امیدوار وحید گل کی جیت بھی ہار میں تبدیل ہوگئی۔ پی ٹی آئی کے حمایت یافتہ آزاد امیدوار 12 ہزار 903 ووٹ کے ساتھ کامیاب جبکہ وحید گل نے 6 ہزار 869 ووٹ کے ساتھ دوسرے نمبر پر آگئے۔
