کراچی: سماجی کارکن اور وکیل جبران ناصر ایڈووکیٹ اور ان کی اہلیہ منشاء پاشا نے بیرون ملک جانے کے لئے سندھ ہائیکورٹ سے رجوع کرلیا۔
تفصیلات کے مطابق سندھ ہائیکورٹ میں سماجی کارکن اور وکیل جبران ناصر اور ان کی اہلیہ منشاء پاشا نے بیرون ملک جانے سے روکنے کا معاملے پر درخواست دائر کردی۔
جبران ناصر ایڈووکیٹ نے عدالت میں کہا کہ 27 جون 2023 کو اپنے اہلخانہ کے ساتھ عید کی تعطیلات گزارنے جارہے تھے ، جب میں اور میری اہلیہ امیگریشن ڈیسک پر پہنچے تو انہوں نے ایگزٹ اسٹمیپ لگا کر ہمیں واپس بھیج دیا۔
جبران ناصر کا کہنا تھا کہ ڈیوٹی پر موجود افسر خان نے پوچھنے پر بتایا کہ ہمیں کہا گیا ہے آپ لوگوں کو نہیں جانے دینا ،جس کے بعد ہمارا سامان بھی آف لوڈ کردیا گیا۔
سماجی کارکن نے کہا کہ یکم جون مجھے 10 سے 15 نامعلوم افراد نے اغواء بھی کرلیا گیا، جس کا مقدمہ کلفٹن تھانے میں درج کرایا گیا تھا اور پولیس مقدمہ اے کلاس بھی کردیا ہے۔
عدالت نے استدعا کی گئی درخواست گزار اور انکی اہلیہ کو باہر جانے سے روکنے کو غیر قانونی قرار دیا جائے اور ایف آئی اے اہلکاروں کے خلاف انکوائری کا حکم دیا جائے۔
عدالت نے فریقین کو نوٹس جاری کرتے ہوئے ایف آئی اے اور وفاقی حکومت سے 17 اگست کو جواب طلب کرلیا۔
