لاہور : انسداد دہشت گردی عدالت میں جناح ہاؤس حملہ اور جلاؤ گھیراؤ کے مقدمے میں عدالت نے 25 پی ٹی آئی کارکنان کے جوڈیشل ریمانڈ میں 14روز کی توسیع کر دی۔
تفصیلات کے مطابق انسداد دہشت گردی عدالت کی ایڈمن جج عبہر گل خان نے جناح ہاؤس حملہ اور جلاؤ گھیراؤ کے مقدمے کی سماعت کی۔
اس موقع پر25 پی ٹی آئی کارکنان کو بحثیت ملزمان جوڈیشل ریمانڈ کی میعاد ختم ہونے پر جیل سے عدالت میں پیش کیا گیا، تفتیشی افسر نے ملزمان کے جوڈیشل ریمانڈ میں مزید توسیع کی استدعا کی۔
تفتیشی افسر نے عدالت کو بتایا کہ ملزمان جناح ہاؤس حملہ اور جلاؤ گھیراؤ میں کی مقدمے میں ملوث ہیں، استدعا کی کہ ملزمان کیخلاف مقدمے کا چالان تیاری کے مرحلہ میں ہے مزید مہلت دی جائے۔
عدالت نے فریقین کے دلائل سن کر ملزمان کے جوڈیشل ریمانڈ میں 14روز کی توسیع کا حکم دیتے ہوئے اگلی سماعت پر پیش کرنے کا حکم دے دیا۔
