لاہور / پشاور : نو مئی 2023 کو شرپسندوں کی جانب سے نذرآتش کی جانے والی ریڈیو پاکستان پشاور کی عمارت اور جناح ہاؤس کو عام شہریوں کیلئے کھول دیا گیا ہے۔
حکومت کی جانب سے یہ اقدام سول سوسائٹی کی درخواست پر کیا گیا ہے، ریڈیو پاکستان پشاور کی جلی ہوئی عمارت کو اساتذہ، طلبہ کیلئے پیر سے جمعہ صبح 10سے شام 4بجے تک کھولا جائے گا، جبکہ عام شہری اور سول سوسائٹی شام 4 بجے سے 6بجے تک ریڈیو پاکستان پشاور آسکتی ہے۔
اس موقع پر آنے والے شہپریوں کو ریڈیو پاکستان پشاور کے مختلف حصوں کا دورہ کرایا جائے گا، شہریوں کو شرپسندوں کی جانب سے عمارت کے جلاؤ گھیراؤ سے متعلق آگاہ کیا جائے گا۔
- Advertisement -
واضح رہے کہ دہشت گردی سے لے کر امن کے طویل سفر تک ریڈیو پاکستان کی تاریخ سنہری الفاظ سے بھری پڑی ہے، سیاسی مظاہروں میں سرکاری املاک کو نقصان پہنچانا قطعی طور پر درست نہیں ہو سکتا۔
