امریکی صدر جوبائیڈن نے کہا ہے کہ میں صدارتی انتخاب لڑوں گا اور مجھے ڈیموکریٹس کی نامزدگی سے ہٹایا نہیں جا سکتا۔
غیر ملکی میڈیا کے مطابق بڑھتے ہوئے دباؤ کے باوجود امریکی صدر بائیڈن نے ایک بار پھر صدارتی انتخاب کی دوڑ سے باہر ہونے سے انکار کردیا۔
ترجمان وائٹ ہاؤس کیرن جین پیری کے مطابق جو بائیڈن قطعی طور پر صدارتی انتخابات سے ایک قدم بھی پیچھے نہیں ہٹ رہے۔
صدرجو بائیڈن نے ڈیموکریٹ گورنروں سے بھی ملاقات کی ہے، جس میں انہوں نے صدر بائیڈن کو اپنی مکمل حمایت کا یقین دلایا ہے، کیلی فورنیا کے گورنر کا کہنا ہے کہ بائیڈن عہدہ سنبھالنے کیلئے فٹ ہیں۔
نیویارک، مینی سوٹا اور میری لینڈ کے ڈیموکریٹ گورنرز کی جانب سے وائٹ ہاؤس کا دورہ کیا گیا ہے، تمام گورنروں نے بائیڈن کا ساتھ دینے کی یقین دہانی کرائی۔
جو بائیڈن بحث میں ٹرمپ سے کیوں ہارے؟ امریکی صدر نے دل چسپ وجہ بتا دی
گورنر مینی سوٹا کے مطابق امریکی صدر بائیڈن مباحثے میں خراب کارکردگی کے باوجود ٹرمپ سے بہتر ہیں۔
