ہالی وڈ کے معروف اداکار جانی ڈیپ نے سابق اہلیہ امبر ہرڈ کے خلاف ہتک عزت کا مقدمہ جیتنے کے بعد مداحوں کے لیے خصوصی ویڈیو جاری کر دی ہے۔
فوٹو اینڈ ویڈیو شیئرنگ ایپلی کیشن انسٹا گرام پر جانی ڈیپ نے بھرپور سپورٹ کرنے پر مداحوں کا شکریہ ادا کرنے کے لیے خصوصی ٹک ٹاک ویڈیو کا سہارا لیا۔
ویڈیو کے کیپشن میں اداکار نے لکھا کہ یہ میرے تمام قیمتی اور وفادار مداحوں کے لیے ہے، ہم ہر جگہ ایک ساتھ رہے، سب کچھ ایک ساتھ دیکھا، ایک ساتھ ایک ہی راستے پر چلے، ہم نے مل کر صحیح کام کیا اور اب ہم سب مل کر آگے بڑھیں گے۔
جانی ڈیپ نے لکھا کہ آپ ہمیشہ کی طرح میرے مالک جیسے ہیں اور ایک بار پھر میں آپ کا شکریہ ادا کرتا ہوں۔
View this post on Instagram
واضح رہے کہ جانی ڈیپ نے حال ہی میں سابق اہلیہ و اداکارہ امبر ہرڈ کے خلاف ہتکِ عزت کا مقدمہ جیتا ہے۔ گزشتہ روز جانی نے مقدمہ جیتنے کا جشن منانے کے لیے لاکھوں روپے اڑا دیے تھے۔
اداکار کو اتوار کے روز انگلینڈ کے شہر برمنگھم کے ایک بھارتی ریسٹورنٹ میں موسیقار جیف بیک سمیت اپنے 20 دوستوں کے ہمراہ جشن مناتے دیکھا گیا تھا۔
نیویارک پوسٹ کے مطابق جانی ڈیپ نے ریسٹورنٹ میں اپنے دوستوں کی دعوت پر 62 ہزار ڈالرز خرچ کیے جو پاکستانی ایک کروڑ 25 لاکھ روپے کے قریب بنتے ہیں۔ مہمانوں کی ہندوستان پکوان سے تواضع کی گئی تھی۔
View this post on Instagram
