گھٹنوں اور جوڑوں کے مرض میں مبتلا ہزاروں مریض اٹھتے بیٹھتے اس شدید تکلیف سے گزرتے ہیں، خصوصاً موسم سرما ان پر بہت زیادہ اثر انداز ہوتا ہے جو ایسے افراد کے لیے ایک بہت بڑا امتحان ہوتا ہے۔
درحقیقت عمر بڑھنے کے ساتھ ساتھ ہڈیاں بھی کمزور ہونے لگتی ہیں جس کے باعث جوڑوں کا درد لوگوں کو اپنا شکار بنالیتا ہے تاہم اس میں کمی لانا یا بچنا اتنا بھی مشکل کام نہیں۔
اے آر وائی ڈیجیٹل کے پروگرام گڈ مارننگ پاکستان میں معروف ہربلسٹ ڈاکٹر عیسیٰ نے جوڑوں کے درد سے نجات کیلئے ایک بہترینب نسخہ بنانے کا طریقہ بتایا۔
ڈاکٹر عیسیٰ نے بتایا کہ پاکستان میں خواتین خصوصاً لڑکیوں میں وٹامن ڈی اور کیلشیئم کی کمی کا شکار ہیں جس کے وجہ سے عمر کے ایک حصے میں جوڑوں کے درمیان پائے جانے والے مادے میں کمی ہوجاتی ہے۔
اسی کمی کے سبب ہماری ہڈیاں وزن پڑنے کی وجہ سے اٹھنے بیٹھنے میں تکلیف پیدا کرتی ہیں، جس سے بچنے کیلیے درد کی گولیاں کھائی جاتی ہیں جو معدے اور جگر پر برا اثر ڈالتی ہیں۔
جوڑوں کے درد سے فوری نجات
انہوں نے اس تکلیف سے بچاؤ کیلئے ایک نسخہ بتایا کہ روزانہ ایک چمچ گھیگوار یعنی ایلو ویرا لازمی کھائیں اور اگر آپ ذیابیطس کے مریض ہیں تو ایلو ویرا اور بھنڈی کے تین چار پیس لیں اور ایک گلاس پانی میں ڈال کر رات بھر کیلیے رکھ دیں اور صبح وہ پانی پی لیں۔
سر کا درد منٹوں میں ختم
ڈاکٹر عیسیٰ نے بتایا کہ ایک کپ پانی میں آدھا چمچ ادرک کا پیسٹ اور ایک چٹکی نمک ڈال کر اسے ایک سے دو بار اچھی طرح ابال کر پی لیں، کپ کے ختم ہونے سے پہلے سر کا درد ختم ہوجائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
