اسلام آباد : پارلیمنٹ کا مشترکہ اجلاس آج ہوگا ، جس میں افواج پاکستان کے خلاف ہرزہ سرائی پر مذمتی قرارداد منظور کرائی جائے گی۔
تفصیلات کے مطابق اسپیکر قومی اسمبلی راجہ پرویز اشرف کی زیر صدارت پارلیمنٹ کا مشترکہ اجلاس آج ہوگا۔
مشترکہ اجلاس کا دو نکاتی ایجنڈا جاری کردیا گیا ہے ، آج پارلیمنٹ کے مشترکہ اجلاس میں ملک میں دہشت گردی کے باعث امن وامان کی ابتر صورتحال اور پارلیمنٹ میں قومی اداروں کے احترام کے معاملے پر بحث ہوگی۔
- Advertisement -
اجلاس میں قومی اداروں کے احترام کے علاوہ خارجہ پالیسی ،معاشی صورتحال اور موسمیاتی تبدیلی پر بھی بحث کی جائے گی۔
اجلاس میں افواج پاکستان اور اس کی قیادت کے خلاف سوشل میڈیا پر ہرزہ سرائی کے خلاف مذمتی قرارداد منظور کرائی جائے گی۔
