The news is by your side.

Advertisement

مقبوضہ کشمیر: پاکستان انسانی حقوق کونسل کے ایوان سے مشترکہ بیان لینے میں کامیاب

جنیوا: مقبوضہ کشمیر کے معاملے پر پاکستان کو ایک اور بڑی سفارتی کام یابی حاصل ہوئی ہے، اقوام متحدہ کے انسانی حقوق کونسل کے ایوان سے پاکستان مشترکہ بیان لینے میں کام یاب ہو گیا۔

تفصیلات کے مطابق پاکستان نے انسانی حقوق کونسل کے ایوان سے مقبوضہ کشمیر سے متعلق اہم مشترکہ بیان لینے میں کام یابی حاصل کر لی ہے۔

وزیر خارجہ شاہ محمود قریشی کہتے ہیں کہ مشترکہ بیان کی 58 ملکوں نے حمایت کر دی، ان ممالک نے بھارت کے سامنے 5 مطالبات رکھ دیے ہیں۔

پہلا مطالبہ ہے کہ کشمیریوں سےآزادی نہ چھینی جائے، اور گرفتار رہنماؤں کو رہا کیا جائے۔

مشترکہ بیان کے تحت دوسرا مطالبہ ہے کہ بھارتی حکومت عالمی میڈیا اور انسانی حقوق کی تنظیموں کو مقبوضہ کشمیر میں رسائی دے۔

یہ بھی پڑھیں:  بھارتی فوج چھاپوں میں نوجوانوں کو اٹھا کر بد ترین تشدد کا نشانہ بنا رہی ہے: برطانوی خبر رساں ایجنسی

یو این کونسل کے تحت عالمی برادری نے تیسرا مطالبہ کیا ہے کہ بھارت مقبوضہ کشمیر میں کمیونیکیشن بلیک آؤٹ ختم کرے۔

چوتھا مطالبہ ہے کہ مقبوضہ کشمیر سے کرفیو کا فوری خاتمہ کیا جائے، جب کہ پانچواں مطالبہ ہے کہ انسانی حقوق کمشنر کی سفارشات پر عمل کیا جائے۔

واضح رہے کہ آج مقبوضہ کشمیر کی صورت حال پر برطانوی خبر رساں ایجنسی نے رپورٹ شایع کرتے ہوئے کہا ہے کہ بھارتی فوج رات کو گھروں پر چھاپے مار کر نوجوانوں کو اٹھا کر بد ترین تشدد کا نشانہ بنا رہی ہے۔

Comments

comments

یہ بھی پڑھیں