عمّان: اردن کی فضائیہ نے رات گئے حیران قدم اٹھاتے ہوئے غزہ میں قائم اپنے فیلڈ اسپتال کے لیے فضا سے طبی سامان گرا دیا۔
تفصیلات کے مطابق اردن کے شاہ عبداللہ دوم نے پیر کی صبح سوشل میڈیا پر ایک پوسٹ میں کہا کہ اردن کی فضائیہ نے غزہ میں مملکت کے زیر انتظام فیلڈ اسپتال کو ’فوری طبی امداد‘ فراہم کی ہے۔
ایکس پر شاہ اردن نے کہا کہ ’’ہمارے نڈر فضائیہ کے اہلکاروں نے آدھی رات کو غزہ کے اردنی فیلڈ اسپتال کو فوری طبی امداد کی فراہمی کے لیے ہوائی جہاز سے سامان پھینکا۔‘‘
At dawn, in X platform post that astonished the world, King Abdullah II, King of Jordan, announced the airdrop of medical and humanitarian aid and medicines to the Jordanian field hospital in #Gaza to enable it to continue its efforts to aid and rescue #Gaza pic.twitter.com/XVpbvYMS39
— Israeli Affairs Expert ايمن الحنيطي (@AymanHunaiti) November 6, 2023
انھوں نے کہا غزہ کی جنگ میں زخمی ہونے والے اپنے بھائیوں اور بہنوں کی مدد کرنا ہمارا فرض ہے، ہم اپنے فلسطینی بھائیوں کے لیے ہمیشہ موجود رہیں گے۔
Our fearless air force personnel air-dropped at midnight urgent medical aid to the Jordanian field hospital in Gaza. This is our duty to aid our brothers and sisters injured in the war on Gaza. We will always be there for our Palestinian brethren pic.twitter.com/HOWI2VL7hL
— عبدالله بن الحسين (@KingAbdullahII) November 5, 2023
واضح رہے کہ اردن اور اسرائیل نے غزہ کی پٹی کے ایک فیلڈ اسپتال کو فوری طبی سامان کی فراہمی پر اتفاق کیا ہے، اسرائیل کی فوج نے پیر کے روز بعد میں ایک بیان میں کہا کہ اس نے اپنے عرب پڑوسی کے ساتھ فضا سے سامان گرانے پر اتفاق کیا ہے، جس میں طبی عملے اور مریضوں کے لیے ادویات اور خوراک بھی شامل ہے۔
واضح رہے کہ گزشتہ ماہ عرب میڈیا نے اطلاع دی تھی کہ اسرائیلی بمباری کی وجہ سے سامان ختم ہونے پر اردن کے فیلڈ اسپتال کے بند ہونے کا خطرہ لاحق ہو گیا ہے۔