The news is by your side.

Advertisement

اردن نے بھی بھارت سے پروازوں پر پابندی عائد کردی

امان: کوروناوائرس کی بدترین صورت حال کے پیش نظر اردن نے بھی بھارت سے پروازوں پر پابندی عائد کردی۔

غیرملکی خبررساں ادارے کی رپورٹ کے مطابق بھارت اس وقت وبا کی سنگین صورت حال سے گزر رہا ہے، اسی باعث کورونا کیسز کا پھیلاؤ روکنے کے لیے اردن نے بھارت سے پروازوں پر پابندی لگا دی ہے۔

اردن کی جانب سے بھارت پر سفری پابندی 14 دن کے لیے عائد کی گئی ہے۔ اردن کے وزیر ٹرانسپورٹ نے بتایا کہ بھارت سے پروازوں پر پابندی کا فیصلہ وہاں کورونا کی خطرناک صورت حال کو دیکھتے ہوئے کیا گیا۔

دوسری جانب بنگلادیش نے بھی آج سے بھارت کے ساتھ اپنی سرحد بند کرنے کا اعلان کردیا۔

کرونا کی بدترین صورت حال، متحدہ عرب امارات نے بھارت پر پابندی عائد کردی

واضح رہے کہ بھارت میں کورونا کیسز اور اموات میں ریکارڈ اضافہ دیکھتے ہوئے اردن سے قبل ہانگ کانگ سمیت دیگر ممالک پہلے ہی بھارتی پروازوں پر پابندی عائد کرچکے ہیں۔

بھارت کورونا کا گڑھ، ایک اور ملک نے فضائی پابندی عائد کردی

اعداد وشمار کے مطابق بھارت میں اب تک کورونا سے 1 لاکھ 95 ہزار مریض ہلاک ہوئے ہیں۔ ادھر دارالحکومت دلی میں لاک ڈاؤن میں ایک ہفتے کی توسیع کردی گئی جبکہ حالات مزید خراب ہونے کا خدشہ ظاہر کیا جارہا ہے۔

Comments

یہ بھی پڑھیں