شام میں پُرتشدد واقعات پر اردن میں سیکیورٹی تعاون کے لیے اہم بیٹھک جاری ہے جہاں مشرق وسطی کے ممالک نے سر جوڑ لیے ہیں۔
عرب میڈیا رپورٹ کے مطابق عمان، اردن، شام، لبنان، ترکیے اور عراقی وزرائے خارجہ نے شام سے یکجہتی کا اظہار کیا ہے، اردن کے وزیرِ خارجہ کا کہنا ہے کہ شام کی تعمیرِ نو کی کو کششوں میں شام کے ساتھ ہیں۔
اردن کے وزیرِ خارج نے مزید کہا کہ شام کو غیر مستحکم کرنے والوں کو مقابلہ کریں گے، مغرب شام پر عائد پابندیوں کو ہٹائے، شام کی تعمیرِ نو کے لیے اقتصادی تعاون جاری رہے گا۔
شامی سیکیورٹی فورسز پر قتل عام کا الزام، طرطوس اور لاذقیہ میں 1000 ہزار شہری مار دیے
دوسری جانب امریکا اور روس نے بھی شام کی صورتحال پر سلامتی کونسل کا ہنگامی اجلاس بلانے کا مطالبہ کر دیا۔
واضح رہے کہ شام کے صوبے لطاکیہ میں معزول صدر بشار الاسد کے حامیوں کی نئی قائم ہونے والی حکومت کے درمیان جاری جھڑپوں میں شدت آگئی ہے، شام میں جاری خانہ جنگی کی وجہ سے 2 دن میں 1 ہزار افراد کی جان چلی گئی۔
غیر ملکی میڈیا کے مطابق دن میں ہونے والے واقعات کو 14 سال سے جاری خونی خانہ جنگی کے بدترین دنوں میں شامل کیا جا سکتا ہے، 3 مہینے پہلے قائم ہونے والی نئی حکومت کے لیے یہ جنگی شدت ایک نیا چیلنج بن گئی ہے۔
