اسلام آباد: صحافی صدیق جان کو ان کے دفتر کے باہر سے سادہ کپڑوں میں ملبوس افراد نے گرفتار کرلیا۔
اے آر وائی نیوز کے مطابق ذرائع کا بتانا ہے کہ صحافی صدیق جان کو شیلنگ کی وائرل ویڈیو کے معاملے پر حراست میں لیا گیا ہے جبکہ انہیں بول کے دفتر کے باہر سے گرفتار کیا گیا ہے۔
پی ایف یو جے کے صدر افضل بٹ نے صدیق جان کی گرفتاری کی مذمت کی ہے۔
افضل بٹ کا کہنا ہے کہ صحافیوں کو ہراساں کرنا حکومت کی روایت بن گئی ہے اقتدار آنی جانی چیز ہے حکمران ہوش کے ناخن لیں۔
صحافی صدیق جان کو ان کے دفتر کے باہر سے گرفتار کرلیا گیا#ARYNews #SiddiqueJan pic.twitter.com/8x0xEdTaoG
— ARY NEWS (@ARYNEWSOFFICIAL) March 20, 2023
سیکریٹری جنرل پی ایف یو جے ارشد انصاری کا کہنا ہے کہ صحافیوں کی گرفتاری قابل مذمت ہے پی ایف یو جے اپنی حکمت عملی کا اعلان کررہی ہے۔
سیکریٹری فنانس پی ایف یو جے لالہ اسد پٹھان نے کہا کہ آخر کب تک صحافیوں کو فرض کی ادئیگی پر گرفتار کیا جائے گا، حکمرانوں نے ہوش کے ناخن نہ لیے تو ملک گیر احتجاج کیا جائے گا، صحافیوں کو ہراساں یا اغوا کرنا ہماری ریڈ لائن ہے۔