The news is by your side.

Advertisement

لاہور میں صحافی کا قتل ، مرکزی ملزم کی نشاندہی پر ایک اور مبینہ ملزم گرفتار

لاہور : پریس کلب کے باہر صحافی حسنین شاہ کے قتل کے مرکزی ملزم کی نشاندہی پرایک اور مبینہ ملزم کو گرفتار کرلیا گیا۔

تفصیلات کے مطابق صحافی حسنین شاہ قتل کیس کی تحقیقات میں پیش رفت سامنے آئی ، سی آئی اے پولیس نے مرکزی ملزم عامربٹ کی نشاندہی پرایک اور مبینہ ملزم فرحان شاہ کو گرفتار کرلیا ، مبینہ ملزم کو رحمان پورہ سے گرفتار کیا گیا۔

گذشتہ روز لاہور پریس کلب کے باہر نجی ٹی وی کے کرائم رپورٹر حسنین شاہ کے قتل کیس میں پولیس نے تین شوٹرز کو گرفتار کیا تھا ، ملزمان کو سی سی ٹی فوٹیج اور سیف سٹی کیمروں کی مدد سے گرفتار کیا گیا۔

آپریشنزپولیس کا کہنا تھا کہ قتل میں ملوث گرفتار ملزمان سے تفتیش جاری ہے ، حسنین شاہ کو سونے کا کاروبار کرنے والے عامر بٹ نے لین دین کے تنازعہ پر قتل کروایا۔

پولیس ذرائع کا کہنا تھا کہ جیولر گروپ شہر میں زیورات دے کر سود کا کام کرتا ہے جبکہ سونے کا کاروبار کرنے والے عامر بٹ نے خود کو سی آئی اے پولیس کے حوالے کردیا ہے، عامر بٹ نے جیل روڈ پر واقعہ شوروم میں ایس پی سی آئی اے کو اپنی گرفتاری دی۔

یاد رہے پیر کے دن مقامی صحافی حسنین شاہ کو شوٹرز نے فائرنگ کرکے پریس کلب کے سامنے قتل کردیا تھا۔

Comments

یہ بھی پڑھیں